| Am Samstig Morge früeh händ sich uf em Gmeindsplatz
Hinwil es paar jungi verschlafeni Fraue versammlet zum zäme äs lässigs
Weekend verbringe. Mit dä Privatautos sind mir losdüsed in Richtig Sargans.
Än Boxestop ide Autobahnraststätt Glarnerland hät natülich nöd dörfe fehle.
Frisch und gstärkt händ mir eus dänn wiiter uf dä Wäg gmacht. In Sargans
acho händ mir dänn als ersts mal alli eusi Sache vom Parkplatz id Turnhalle
treit. Mit äm ganze Proviant us dä Corin ihrem Auto isch das no ä rechti
Prozedur gsi und mir sind scho s’erst mal zum schwitze cho. Nachdem sich
alli umzoge händ, isch es scho losgange. D’Corin hät äs super Programm
zämegstellt wo euis allne viel Spass gmacht hät. Mir händ fliessig trainiert
fürs Turnfäscht und scho bald händ sich die erste afange abzieh, wills
id dere Turnhall sooooo heiss gsi isch. Während dem mir so fliessig am
turne gsi sind, sind dänn plötzlich eusi Chöchinne no uftaucht zum die
erste Fortschritt vo eus z’beguetachte. Ide Pause sind dänn die einte
sehr froh gsi, dass es grad än Manor näbed dä Turnhalle gha hät und sie
sich mit Träger-T-Shirts händ chöne usrüschte. Nach dä Pause isch es natürlich
glich sträng wiiter gange und äs isch immer heisser worde ide Halle. Zmittag
gesse hämmer dänn verusse uf dä Wiese, det isch äs wesentlich agnehmer
gsi..(weiter). |
